Kuvendi i PD-së me 11 dhjetor/ Sali Berisha: Më të bashkuar, më të fortë, më të hapur

Ish-Kryeministri Sali Berisha ka konfirmuar mbajtjen e Kuvendit të demokratëve që pritet të mblidhet ditën e shtunë, më 11 dhjetor.

Berisha ka shpërndarë në profilin e tij në “Facebook” një foto, të cilën e shoqëron me sloganin: Më të bashkuar, më të fortë, më të hapur.

Demokratët do të mblidhen nesër në orën 10:00 në stadiumin “Air Albania”. Sipas njoftimi të lëvizjes “Foltorja”, delegatët do të kenë zonën e tyre të veçantë, kurse pjesa tjetër e stadiumit “Air Albania” do të jetë e hapur për të gjithë anëtarët dhe simpatizantët e PD-së që dëshirojnë të bëhen pjesë e këtij momenti.