Kushtetuesja rrëzon Fatmir Mediut, “Gërdeci” do hetohet

Fatmir Mediu rrëzohet edhe në Kushtetuese. Gjykata hodhi poshtë sot, ankimimin e ish-ministrit të Mbrojtjes në lidhje me tragjedinë e Gërdecit.

Mediu u përpoq të shfuqizonte në Kushtetuese vendimin e Gjykatës së Posaçme të Apelit për rihapjen e hetimeve, por nuk ja doli dot.

Më herët ai iu drejtua edhe gjykatës së lartë, duke e quajtur rihetimin një akt antikushtetues.

Por edhe Gjykata e Lartë e rrëzoi rekursin.

Ish-ministri i mbrojtjes u akuzua nga familjarët e viktimave të Gërdecit, të cilët kërkuan rihapjen e dosjes së tragjedisë.