Spikeri i lajmeve në Vizion Plus Erion Zeqiraj ka qenë i ftuari i kësaj të marte në “Vizioni i Pasdites”, ku ka folur për lojën e fermerëve në “Ferma VIP”.
Zeqiraj në fjalën e tij thë se loja e tyre ka nisur, ndërsa shtoi se është më pro njerëzve që kanë sens humori dhe i kalojnë debatet me të qeshura.
“Përplasjet e para kanë filluar. Unë jam pro njerëzve që kanë sens humori për të shmangur përplasjet. Ferma VIP do edhe anën fizike që të përshtaten si duhet”, tha ai.
I pyetur se kush është më i rrezikuar për të dalë të premten mes Nikos dhe Rigelsës, Zeqiraj deklaroi se kushdo që të dalë, do i vinte keq, pasi nuk kanë dhënë shumë nga vetja e tyre deri në këtë pikë të lojës. Kjo sipas tij, edhe për shkak të kohës së shkurtër.
“Më vjen keq kushdo që të dal sepse është herët dhe mund të kenë shumë për të dhënë”, tha ai./vizionplus.tv
