Marrëveshja për zgjidhjen e “krizës” në veri të Kosovës mes Prishtinës dhe Beogradit zyrtar ka sjell reagimin edhe të kryeministrit Albin Kurti.
Kreu i qeverisë së Kosovës nëpërmjet një shkrimi të postuar në facebook shkruan se reciprociteti i targave të automjeteve është vendosur.
Meqë targave të Republikës së Kosovës në Serbi do t’iu mbulohet simboli shtetëror, të gjitha targave të Serbisë pa dallim do t’iu mbulohet po ashtu simboli i tyre në territorin e shtetit tonë. Njësia Speciale e Policisë së Kosovës ka shkuar në Jarinje dhe Bërnjak më 20 shtator për të mbrojtur vendkalimet dhe policinë kufitare nga bllokuesit e rrugëve dhe qarkullimit të lirë. Meqë ata do të largohen, njësia jonë speciale nuk ka pse qëndron atje, dhe mbetet gjithnjë e gatshme për ndërhyrje në çfarëdo cenimi të njëjtë apo të ngjashëm në të ardhmen. Natyrisht, policia jonë kufitare në vijim do të zbatojë reciprocitetin e targave. KFOR-i do të qëndrojë aty, rreth dy javë, që gjithçka të jetë e sigurt.
Kurti shton se tanimë Serbia duhet të nis të mësohet me reciprocitet për cështje të ndryshme duke nenkuptuar se Kosova ka dal e fituar nga e gjithe kjo situate qe u finalizua me nje marreveshje me pranine e Brukselit zyrtar.
Në javën e shkuar, Presidenti i Serbisë vuri katër kushte për takimin në Bruksel të përfaqësuesve tanë. Natyrisht që nuk ju plotësuan ato dhe dje u zhvilluan bisedimet në Bruksel. Tash fillon epoka kur Serbia nis e mësohet me reciprocitet.
