Kili është finalisti i pare i kupës se konfederatave ne futboll. Ne Kazan Arena amerikano-latinet pas 120 minutave loje me rrjeta te paprekura munden nga pika e bardhe e penalltive 3-0 Portugalinë. Ishte ne fakt skuadra e drejtuar nga Kristiano Ronaldo qe mori iniciativën qe ne minutat e para, duke krijuar rastin me Andre Gomez.

 

Nje sfide e bukur dhe me mjaft ritëm ku te dy skuadrat me pas arritën t’i kundërpërgjigjeshin njeri tjetrit, duke shfrytëzuar çdo moment. Ne pjesën e dyte iniciativa i takoi fituesve te dy edicioneve te fundit te kupës se Amerikes, por Edu Vargas nuk arriti te mposhte portierin Rui Patricio.

 

Tekniku luzitan futi dy emra me peshe ne loje si Nani dhe Quaresma, por pa arritur te zhbllokonte shifrat duke i çuar ekipet ne 30 minutat e shtesës. Përsëri kilianet ne kërkim te golit te avantazhit me Aleksis Sanchez, ndërsa ne minutën e 113 gjyqtari kryesor i kësaj sfide nuk dha nje penallti ne favor te amerikano-latineve dhe për me tepër nuk kërkoi ndihmën e Movioles ne fushe.

 

Ne minutën e fundit përsëri Alexis Sanchez me nje gjuajtje potente ndërsa Martin Rodrigues goditi traversen. Nga pika e bardhe e penalltive vendimtare portieri Bravo i pamposhtur ne gjuajtjet e Quaresma Joao Mutinjo dhe Nani, ndërkohe qe per kilianet çoi topin ne rrjete Vidal Aranguiz dhe Alexis Sancezh. Ne finale, Kili do te përballet me fituesin e çiftit Gjermani – Meksike.

 

 

Leave a Reply

Your email address will not be published.