Kunati I Konstandinos Kacifas I ka bërë thirrje kryeministrave Rama dhe Tsipras që ti zgjidhin vetë cështjet sensitive mes dy vendeve dhe të mos lejojnë Turqinë të ndrëhyrje në marrëdheniet dy palëshe.
Evangelis Sakellarakis I dha këto mesazhe në një deklarate për mediat pasi u zhvillua përkujtimorja e Kacifas në ditën e 40 të varrimit të tij.
Gazetarja e Vizion Plus, Xhensila Kodra e cila ndodhet në Bularat tha se Sakellarakis pohoi për mediat se ndërhyrja e Turqisë në rastin konkret nuk ndihmon miqësinë mes dy popujve.
“Ne dhe Shqipëria jemi një familje dhe familja i zgjidh problemet brenda vetes dhe nuk pret ndihmën e të tretëve. Në këtë rast Turqia nxit përplasjen mes nesh. Dua t’i lutem zotit Rama dhe kryeministrit tonë zotit Cipras të gjejnë një gjuhë të përbashkët për të kapërcyer këto probleme. Ne duhet të jemi bashkë dhe duhet të gjejmë një gjuhë të përbashkët.”
Kunati i Kacifas akuzoi edhe policinë kufitare duke shtuar se është e papranueshme dhe e dënueshme kthimi i njerezve që donin të vinin në Bularat për ceremoninë.
Sakellarakis mohoi që në ceremoninë e varrimit të Kacifas të kishte pasur parrulla antishqiptare (ndryshe nga cfarë ofruan pamjet e të gjitha mediave atë ditë) por nga ana tjeter ai bën një mesazh miqësie mes popujve.
“E ardhmja jonë është Evropa. ne duhet të bashkëpunojmë, ne duhet të kemi flamurin tonë, ju duhet të keni flamurin tuaj, ne duhet të kemi besimin tonë, ju duhet të keni besimin tuaj por ama duhet ta shikojmë veten të lidhur bashkë dhe në bashkëpunim me njeri-tjetrin.”
