Aksioni i Policisë së Mirditës çoi në pranga dy të rinj këtë të martë.
Efektivët morën për ta një denoncim se kultivonin drogë dhe nisën hetimet për disa javë, për t’u finalizuar më pas me operacionin e koduar “Bulshar”.
Në pranga ranë shtetasit D. N., 30 vjeç dhe K. Gj., 21 vjeç. Në një serë, ata kishin kultivuar kanabis.
Uniformat blu e zgjeruan kontrollin edhe në ambientin që ata kishin përshtatur për strehim, ku gjetën dy automatikë, dy radio marrëse-dhënëse si ato të policisë dhe pajisje të ndryshme elektrike që shërbenin për kultivimin e bimëve narkotike.
