Eurodeputeti, Eduard Kukan u bëri apel liderëve politike në Shqipëri që të lënë mënjanë interesat e partive dhe të fokusohen tek qytetarët.
Në fjalën e mbajtur në Komitetin e Punëve të Jashtme në PE, Kukan tha se situata e brendëshme politike është e tensionuar dhe se institucionet e BE duhet të rritin presionet e tyre ndaj politikanëve shqiptarë. Kjo për faktin se sipas Kukan, populli shqiptar e meriton hapjen e negociatave.
“Shqipëria, konstatojmë një politike të ngarkuar të brendshme në 30 qershor do kemi zgjedhje lokale dhe u takon liderëve politike të shkojnë përtej interesave të partisë, dhe të shkojnë drejt interesave të qytetarëve. Edhe ne duhet të bëjmë më shumë, duhet të shohim instrumentet që kemi në dispozicion për të ushtruar një presion më pozitiv ndaj kolegëve tanë në Ballkan. Sepse përkundrazi rrezikohet humbja e kredibilitetit dhe duhet marrë në konsideratë çështja e stabilitetit të Rajonit”, tha Kukan.
