Sekretari i Përgjithshëm i PS, Taulant Balla reagoi pas debatit të hapur ditët e fundit pas deklaratave të Greqisë për zgjerimin e kufirit detar.

Me anë të një postimi në “Facebook”, Balla risolli në vëmendje marrëveshjen e vitit 2009 që Shqipëria dhe Greqia nënshkruan.

Balla tha se me anë të këtij pakti dëmtoheshin interesat e vendit tonë dhe prandaj u rrëzua me vendim gjykate.

“MË 27 prill 2009, dy muaj para zgjedhjeve parlamentare, Lulzim Basha, në atë kohë Ministër i Jashtëm, vasal i bindur i Sali Berishës, firmosi marrëveshjen detare me Greqinë, nga e cila Athina përfitonte 354.4 km2 sipërfaqe ujore në detin Jon të Shqipërisë. Marrëveshja u nënshkrua publikisht, por teksti dhe hartat e marrëveshjes u mbajtën të fshehta. Në tetor të 2009, një muaj pas zyrtarizimit të qeverisë Berisha-Meta, GRUPI PARLAMENTAR I PARTISË SOCIALISTE🌹🇦🇱 i kërkoi Gjykatës Kushtetuese rrëzimin e marrëveshjes si antikombëtare. Në 26 nëntor 2009, Gjykata Kushtetuese shqyrtoi paraprakisht kërkesën tonë, ku vendosi kalimin e çështjes për shqyrtim në seancë plenare dhe legjitimimin e PS-së si palë ankimuese. Seancat në Gjykatën Kushtetuese zgjatën deri në prill të vitit 2010, ndërsa u karakterizuan nga debate dhe polemika të forta. Sali Berisha, Lulezim Basha dhe Ilir Meta ishin publikisht tre avokatët kryesorë të Marrëveshjes, kundër interesave të Shqipërisë.”

Taulant Balla garantoi se diçka e tillë nuk do të ndodhë më. Sipas tij, rrëzimi i asaj marrëveshjeje tregon se Partia Socialiste do të mbetet gjithmonë në krahun e duhur të historisë.

Leave a Reply

Your email address will not be published. Required fields are marked *