Një 67-vjeçar është gjetur i pajetë mëngjesin e kësaj të premte në banesën e tij në Kuçovë.
Ngjarja ka ndodhur në një banesë në lagjen “1 Maji”,ku Bardhyl Aliu jetonte së bashku me bashkëshorten e tij. Ka qëne gruaja ajo që ka vënë re se burri nuk merrte frymë dhe ka njoftuar menjëherë Spitalin.
Në banesën e viktimës kanë shkuar edhe ekspertë kriminalistikë dhe kanë nisur hetimet për të zbuluar shkaqet e vdekjes.
Sipas mjekëve,dyshohet për ngjarje natyrale pasi mendohet që viktima të ketë pësuar atak kardiak. Bardhyl Aliu kishte dy fëmijë por ata nuk jetonin me prindërit,djali i viktimës jeton në Angli dhe vajza në Tiranë.