E hënë, 16 Nëntor 2026 Mes'dritë Live deri në 12:00 Në vijim ora 12:00: Lajme Ora 12:00 dhe Moti Reklamo Kontakt Karriera
Vizion Plus
Breaking përditësuar 27 minuta më parë
Sport

Kualifikimi i Shqipërisë në Play Off të Kupës së Botës, Sylvinho ndan pamjet nga festa në dhomat e zhveshjes

Shqipëria, për herë të parë në historinë e saj, ka arritur të kualifikohet në fazën Play Off të Kupës së Botës, pasi mposhti 1-0 Andorrën në transfertë, duke marrë tre pikë të arta.

Ndeshja që u luajt mbrëmjen e djeshme, bëri jehonë përtej kufijëve ku flitet shqip.

Ai që është më i lumtur për këtë arritje është pikërisht trajneri Sylvinho, i cili ka postuar një video të festës së tij me futbollistët në dhomat e zhveshjes të shoqëruar me një mesazh në gjuhën portugeze dhe shqipe.

“Ishte një shpërthim emocionesh të pastra dhe të sinqerta. Sigurimi i një vendi në fazën e play off-it të Botërorit 2026 ishte rezultat i punës së palodhur të shumë njerëzve. Futbollistëve, stafit të trajnerëve dhe drejtueseve…të gjithëve që punuan për të njëjtin qëllim. Një projekt që filloi pothuajse 3 vjet më parë dhe që vetëm është rritur me kalimin e kohës. Shumë i lumtur për  këtë arritje historike. Forca Shqipëri”, shkruante trajneri Sylvinho në postimin e tij.

Reklamë

“O sa mirë me ken shqiptarë”, dëgjohet të këndojnë në korr futbollistët e kombëtares shqiptare./vizionplus.tv

https://www.instagram.com/reel/DRCmZnjgJ6h/?igsh=cTYwM3F4aXYxajM4

Vazhdo të lexosh

Reklamë