Deputeti socialist Plarent Ndreca, i ftuar në Quo Vadis” të moderatores Pranvera Borakaj në Vizion Plus, u shpreh se fushata elektrorale nuk është aq e kushtueshme sa “shitet” në opinionin publik.
Ai tregoi se në fushatën e tij në vitin 2021, nuk pati aq shumë shpenzime, duke shtuar se një pjesë e mirë e tyre përballohet nga kuotat e anëtarëve të partisë.
Pjesë nga biseda:
Pranvera Borakaj: Sa i kushton një deputeti për të bërë fushatë elektorale?
Plarent Ndreca: Në eksperiencën time nuk më rezulton se ka aq shpenzime sa nënkupton zoti Kikia. Në 2021 unë kam bërë 30 ditë fushatë, dhe nuk ëhstë se ka shpenzime të jashtëzakonshme, të cilat PS i mbulon vetëm me kuotat e anëtarëve. Ne kemi 150 mijë anëtarë, sukur vetëm me kuotat, pa llogaritur ato që jep shteti…Realisht unë nuk e mbaj mend shifrën që marrin partite në fushata zgjedhore. Por ajo që di është se nuk ka shpenzime të jashtëzakonshme. Fushata ka një bazë të gjerë kontributorësh dhe votuesish. Organet e vetme për të bërë monitorimin për paratë që përdoren për fushtatat zgjedhorë janë KQZ dhe Prokuroria. Çdo organziatë nuk është zë zyrtar, ju keni bërë monitorim me testim…Sigurisht që gjithmonë ka shqetësim që të rregullojmë çdo merak që ka publiku.
/vizionplus.tv/
