Kthehet “sigurimi i makinave”/ Meta: Kuvendi i shërben më shumë kompanive private 

Presidenti Ilir Meta ka kthyer për rishqyrtim në Kuvend ligjin mbi “sigurimin e detyrueshëm në sektorin e transportit”, duke dhënë edhe arsyet e këtij dekreti.

Meta sqaron se ky ligj nuk garanton cilësisht mbrojtjen e jetës së qytetarëve, pasi neni 8 i këtij ligji nuk i jep zgjidhje përfundimtare problematikave të konstatuara.

Sipas Metës, Kuvendi ka treguar për të disatën herë se nuk ka punuar për të përmbushur kërkesat e shoqërisë shqiptare, por sipas dëshirës apo dakordësisë të kompanive të sigurimit.