Kryeprokurori, PS fton serish opozitën

Pak orë para nisjes së seancës dëgjimore me 7 kandidatët për Prokuror të Përgjithshëm të Përkohshëm, mazhoranca shprehu vendosmërinë për të vijuar procedurën e zgjedhjes së kreut të ri të organit të akuzës. Ulsi Manja, drejtues i Komisionit të Ligjeve, ftoi opozitën të bëhet pjesë e procesit.

Manja tha se të drejtën për të kërkuar interpretim mbi zgjedhjen e pasuesit të Adriatik Llallës, drejtuar misioneve ndërkombëtare që asistojnë ligjërisht Shqipërinë, e gjen tek të drejtat ligjore.

Pas seancës dëgjimore, do të shqyrtohen kriteret e secilit prej 7 kandidatëve e më pas ata që plotësojnë kriteret, do të kalojnë për votim në seancë plenare.