Kryeministri Edi Rama pret Mbretin e Jordanisë Abdullah II bin Al-Hussein
Kreu i qeverisë shqiptare, Edi Rama ka pritur mesditën e sotme Mbretin e Jordanisë Abdullah II bin Al-Hussein.
Rama u takua me Mbretin jashtë ambienteve të kryeministrisë dhe më pas të dy vazhduan drejt zyrës së kryeministrit.
“I nderuar të mikprisja sot me një kënaqësi të veçantë, Mbretin e Jordanisë Abdullah II bin Al-Hussein, një monark i respektuar botërisht dhe një mik i çmuar posaçërisht”, tha Rama në Facebook, duke ndarë edhe foto nga takimi.
Mbreti i Jordanisë po zhvillon një vizitë zyrtare në vendin tonë, me ftesë të kreut të shtetit Bajram Begaj.
Më herët, Abdullah II bin Al-Hussein zhvilloi një takim tête-à-tête me Presidentin.
Në qendër të bisedimeve ishte rritja e dialogut politik dhe thellimi i bashkëpunimit ekonomik dhe tregtar midis dy vendeve./vizionplus.tv
