Ndryshe nga ç’pritej, që procesi i votimit të hapej nga presidenti Ilir Meta, e para që votoi ishte kryetarja e LSI, Monika Kryemadhi.
Ajo mbushi fletën e votimit në të njëjtën qendër me presidentin, ndërsa nuk munguan as batutat.
Siç raportoi gazetari i “Vizion Plus”, Thimi Samarxhiu, Kryemadhi mësohet të ketë thënë:
“Ja kalova Ilir Metës, erdha para tij.”
Ata shkuan veç e veç në qendrën e votimit. Kreu i shtetit priti sa doli kryetarja e LSI dhe më pas u fut ai për të votuar. Pas procesit, Kryemadhi deklaroi para mediave:
“Të gjithë qytetarët t’u drejtohen qendrave të votimit të qetë, të bindur.”