Kryetarja e Lëvizjes Socialiste për Integrim, Monika Kryemadhi ka uruar 11 vjetorin e Pavarsisë së Kosovës.
Përmes një statusi në profilin e saj në Facebook, kryetarja e LSI-së shkruan se e ardhmja euroatlantike e Kosovës është një rrugë dhe aspiratë pa kthim
“Urime Kosovë ?? teksa hyn në dekadën e dytë të pavarësisë e sovranitetit.
Në këtë ditë të pavarësisë është detyrë e të gjithëve ne, lartësimi i figurave dhe luftëtarëve që kontribuan dhe sakrifikuan edhe jetën për realizimin e këtij misioni epokal për Kosovën.
Vlerësimet më të larta për qytetarët e Kosovës që të gjithë së bashku me të zgjedhurit e tyre konsolidojnë çdo ditë shtetin e lindur me aq mund.
E ardhmja euroatlantike e Kosovës është një rrugë dhe aspiratë pa kthim dhe ne të gjithë do të jemi në krah të saj për përmbushjen e kësaj ëndrre të vëllezërve e motrave tona në Kosovë.
Ta gëzosh përjetë këtë ditë të madhe Kosovë!”