Kryetarja e Lëvizjes Socialiste për Integrim Monika Kryemadhi ka zhvilluar këtë të dielë takim me strukturat e partisë në Pogradec.
Në këtë takim Kryemadhi theksoi se kërkesat e studentëve reflektojnë gjendjen e vërtetë të familjeve shqiptare.
“Gjithë Shqipëria është mbytur nga varfëria, qeveria po shkreton vendin dhe po largon shqiptarët. Kërkesat e studentëve reflektojnë gjendjen e vërtetë të familjeve shqiptare. Boll dhuruan para oligarkëve, arsimi i Lartë është në krizë të thellë. Po vritet e ardhmja e të rinjve shqiptarë. Protesta e studentëve, e drejtë, legjitime, e motivuar ku çdo prind, vëlla e motër, mbështet studentët. Koha për ndryshim është sot.”
