Kryemadhi-ndërkombëtarëve: Mbroni investimin në reformën në drejtësi

Kryetarja e LSI-së, Monika Kryemadhi iu bëri thirrje fakorëve ndërkombëtarë që të mbrojnë investimin e tyre në reformën në drejtësi.

E ftuar në studion e emisionit “Quo Vadis”, Kryemadhi vuri theksin tek mosfunksionimi i gjykatave, ndërsa nënvizoi se vetëm 25 prilli do të japë një drejtësi të vërtetë.

“Ndërkombëtarët mbrojnë projektet e tyre. Të dalin dhe të mbrojnë ata që kanë paguar për reformën në drejtësi. Shqiptarët sot i zgjidhin problemet nëpër gjykata? Jo. U shtyhet gjyqi sepse nuk ka gjyqtarë. Unë do ta mbroj reformën.”