Drejtuesja e LSI, Monika Kryemadhi ka shprehur falenderime për të gjithë mëbshtetësit e forcës politike që ajo drejton.
Në një postim në “Facebook”, Kryemadhi deklaron se do të jetë në krahë të qytetarëve në çdo moment dhe opozita nuk do të bëj asnjë hap pas.
“Faleminderit motra dhe vëllezër për mbështetjen e pakursyer që më jepni në këto ditë të betejës sonë për rikthimin e shpresës mes shqiptarëve. Do jem me ju, së bashku, në çdo qytet, fshat, lagje dhe rrugicë në misionin tonë, që askush nuk mund ta ndalë. Rikthimin e shpresës për një Shqipëri evropiane. Ne së bashku do ta bëjmë. Asnjë hap pas. Fjala shpresë nuk ka kuptim, nëse nuk kthehet në një shans dhe mirëqenie reale, për arsim të vërtetë, për shëndetësi të barabartë, për drejtësi të barabartë, për taksa të ulëta, për ekonomi të zhvilluar.”
