Bashkia Pogradec ka reaguar pas ndalimit të dy punonjësve të policisë bashkiake nga ana e policisë.
Në një komunikatë për mediat, kryebashkiaku i Pogradecit, Eduard Kapri akuzoi policinë se ka arrestuar padrejtësisht punonjësit e Administratës së Bashkisë të cilët, sipas tij, ishin duke kryer detyrën e tyre.
Duke e cilësaur si një akt të turpshëm, Kapri I bëri thirrje policisë që të lirojë menjëherë të dy punonjësit e Bashkisë.
Sakaq, ai u bëri thirrje qeytetarëve që të mos bien pre e asnjë lloj provokimi deh të shmangin çdo lloj situatë konfliktuale.
Deklarata e kryebashkiakut të Pogradecit:
Dje më datë 28.06.2019 forcat e Policisë të Shtetit, të Komisariatit të Policisë Pogradec, kanë arrestuar padrejtësisht punonjës të Administratës të Bashkisë, të cilët ishin në zbatim të plotë të ligjit dhe të detyrës të tyre funksionale.
Bashkia Pogradec dënon këtë akt të turpshëm, i cili sjell në mëndjen e çdo qytetari, masat e patetike të regjimit komunist, duke dashur të përcjellë frikë dhe kërcënim ndaj banorëve të Bashkisë Pogradec.
I bëjmë thirrje Policisë të Shtetit dhe Prokurorisë të lirojë menjëherë dy punonjësit e administratës të Bashkisë, pasi këta punonjës si çdo ditë tjetër ndodheshin pranë këtyre shkollave duke kryer punën e përditshme për përmirësimin e kushteve të shkollave, kopshteve dhe ruajtjen e ambjenteve të tyre.
Ju bëjmë thirrje të gjithë qytetarëve, të mos tremben dhe frikësohen nga ky lloj presioni.
Të mos bien pre e asnjë lloj provokimi duke shmangur çdo lloj situate konfliktuale për të treguar qytetari dhe përgjegjshmëri duke mos u bërë shkas për përplasje civile
Gjithashtu denoncojmë dhe kërkojmë masa të mënjehershme për arrestimin e personave, të cilët nga mengjësi i sotem po shkatërrojnë në mënyrë të paligjshme dyert e institucioneve arsimore që janë në pronësi të Bashkisë .
Bashkia Pogradec është në mbrojtje të ligjit dhe Kushtetutës si dhe në zbatim të plotë të Dekretit të Presidentit të Republikës.
