Kryebashkiaku i Nju Jorkut nën akuzë, Erik Adams dyshohet se mori ryshfet nga shtetas të huaj

Kryetari i Bashkisë së Nju Jorkut Erik Adams është akuzuar për përfitime në mënyrë të paligjshme të fondeve gjatë fushatës së tij.

Ai akuzohet se ka marrë ryshfet nga shtetas të huaj, mes të cilëve edhe turq për t’ju dhënë atyre leje për ndërtime të reja në qytet.

Ndaj Erik Adams rëndojnë 5 akuza federale.

Përveç parave, ai dyshohet se ka marrë edhe udhëtime luksoze falas ose më çmim shumë të ulët nga një zyrtar turk i cili kërkonte ndihmën e |Adams për hapjen e konsullatës turke në Manhatan.

Agjentët e FBI-së hynë në rezidencën e kryebashkiakut dhe sekuestruan telefonin e tij të herët në mëngjes të enjten, disa orë para se të bëheshin publike akuzat.

Megjithatë Adams reagoi duke mohuar akuzat e duke thënë se nuk do të tërhiqet nga detyra e tij. /vizionplus.tv