Kryebashkiakët e PD-Ramës: Je kokë e këmbë në paligjshmëri
Kryebashkiakët e PD i janë përgjigjur kryeministrit Rama pas thirrjes që ky I fundit u bëri për të mos zbatuar dekretin e Presidentit Meta për anulimin e zgjedhjeve të 30 qershorit.
Në një reagim të shpërndarë nga PD, kryebashkiakët demokratë shprehen se dekreti Metës është publikuar në fletoren zyrtare dhe se ata janë të detyruar ta zbatojnë.
Drejtuesit vendorë të PD theksojnë me tej se vetëm në momentin që presidenti do të shpallë një tjetër datë zgjedhjesh atëherë ata do të respektojnë sërish ligjin.
Zoti Kryeministër! Je kokë e këmbë në paligjshmëri!
Qeveria e drejtuar prej teje ka botuar në Fletoren Zyrtare dekretin e Presidentit. Siç mund ta dish fare mirë, në Fletoren Zyrtare publikohen aktet ligjore të detyrueshme për zbatim në Republikën e Shqipërisë. Mos u lodh me urdhra pa vlerë që nxisin militantët e tu në KQZ të na kërcënojnë me ndjekje penale, sepse, përsa kohë nuk ekziston një datë zgjedhjesh, as zgjedhjet nuk ekzistojnë.
Kushdo që vepron ndryshe, është në paligjshmëri!
Zoti Kryeministër, kur Presidenti të shpallë një datë të re zgjedhjesh, atëherë gatishmëria jonë për respektimin e ligjit, do të jetë, si gjithmonë, maksimale.
Hallin e datës 30 nuk ta zgjidhim dot ne!
Je që je kot dhe sillesh nëpër Shqipëri si qyfyrexhi, jepi urdhër KQZ-së të shpallë menjëherë nisjen e negociatave me BE-në!
