Krujë, ura që lidh 7 fshatra rrezikon të shembet

Edhe ne këtë sezon shkollor qindra nxënës në rrethin e Krujës do te përballen me rrezikun e shembjes së kësaj ure.

Ajo lidh 7 fshatra të njësisë administrative Bubq dhe Thumanë.

Përmbytja masive bëri që ura e rindërtuar nga ushtria të shkatërrohet, por prej 8 muajsh ajo është kthyer në rrezik potencial për kalimtarët . Sigurisht me te rrezikuarit janë nxënësit që do të shkojnë në gjimnazin e Fushë-Krujës.

Ankesat e vazhdueshme të banorëve drejt bashkisë Krujë deri më tani kanë rënë në vesh të shurdhët. Ndaj dhe apeli i banorëve është që shteti të vërë dorë, por të shmangur ndonjë tragjedi të mundshme.