Udhëheqësi i opozitës venezueliane Juan Guaido ka thënë se ai do të jepte një amnisti për presidentin Nicolás Maduro në qoftë se ai do të lëshonte pushtetin.
Në një intervistë, Guaidó, i cili u deklarua të mërkurën president i përkohshëm, tha se po arrinte tek të gjithë sektorët duke përfshirë ushtrinë për t’i dhënë fund krizës.
Ajo vjen në mes të përpjekjeve të SHBA për të bllokuar rrjedhat e të ardhurave të presidentit Maduro.
Maduro ka ndërprerë prej disa ditrësh lidhjet me SHBA dhe deri më tani është mbështetur vetëm nga ushtria.
Megjithatë, bashkësia ndërkombëtare është e ndarë nëse do të njohë qeverinë e tij apo jo.
Të mërkurën Guaidó, i cili është kreu i Kongresit Kombëtar të zgjedhur nga Venezuela, bëri me dije se ai ishte presidenti legjitim.
Shtetet e Bashkuara, Kanadaja, Britania e Madhe si dhe një cërë vendesh nga Amerika Latine kanë mbështetur pretendimin e e Guadio.
Ndërkohë nga ana tjetër Rusia është rreshtuar kundër dhe ka dënuar mbështetjen e jashtme për Guaido, duke thënë se ai shkeli ligjin ndërkombëtar.
Por nga ana tjetër krahas Rusisë Maduro ka marrë mbështetejen edhe të Kinës, Meksikës dhe Turqisë.
Sekretari i Shtetit i SH.B.A.-së Mike Pompeo ka kërkuar një mbledhje të Këshillit të Sigurimit të OKB-së për çështjen të shtunën.
