Largimi I të rinjve drejt vendeve që ofrojnë më shumë mundësi punësimi, nuk është vetëm një fenomen shqiptar.
Raporti i 2019 mbi ekonominë dhe emigracionin në Itali konfirmoi se në 10 vitet e fundit e kanë lënë vendin plot 500 mijë italianë.
Nga kjo shifer, gjysma pra 250 mijë janë të moshës nga 15 deri në 34 vjec, pra të rinj.
Largimi i cerek milioni I të rinjve nga Italia për afro një dekadë I ka kushtuar buxhetit të Italisë 16 miliard euro humbje.
Në mesin e shkaqeve që kanë detyruar të rinjtë italian për tu larguar nga vendi janë shanset e pakta për të gjetur një punë.
Italia në fakt regjistron shifren më të ulët të atyre që punësohen në periudhën mes 25 dhe 29 vjec.
Nëse BE e ka mesataren 75% të punësimit për të rinjte të moshës nga 25-29 vjec, ndryshe ndodh në Itali ku kjo përqindje nuk shkon më shumë se 54.6 %. Bëhet fjalë për të rinjtë të cilët kanë përfunduar universitetin.
Edhe më keq janë statistikat për të rinjte të cilët nuk kanë studiuar në fakultet dhe janë pa punë. 30.9 % e të rinjve të moshës nga 25-29 vjec që nuk kanë bërë një shkollë të lartë në Itali janë pa punë, ndryshe nga mesatarja e BE që është 17.1%.