Nuredin Dumani, i penduari i drejtësisë, që me rrëfimin e tij zbardhi shumë krime makabre, ka dalë përpara gjykatës për të dhënë dëshminë lidhur me vrasjen e Emiljano Ramazanit dhe Regis Runajt në Elbasan.
Ai ishte prezent në gjyqin ndaj Xhuljano Hoxhës dhe Euglen Halilit. Në dëshminë e tij, dumani ka thënë se dy vrasjet janë kryer me porosi të erion alibej.
Ai ka pranuar se është paguar nga ky i fundit, ndërsa vrasësi i Ramazanit ka qenë Skerdi Tasi.
Emiljano Ramazani i njohur si ‘Rramani’ është vrarë me armë zjarri në afërsi të banesës së tij.
Ekzekutimi është bërë për shkak të prishjes së pazareve të drogës. Pak ditë më pas është vrarë me thikë shoku i tij Regis Runaj, trupi i të cilit është gjetur pranë varrezave të qytetit.
