Shefi i Shtabit të Përgjithshëm të Forcave të Armatosura, Bardhyl Kollçaku deklaroi se arritjet e Shqipërisë në NATO në këto 10 vite janë të shumta ndërsa shprehu falenderime për të gjithë vendet e Aleancës Atlantike.
I ftuar në studion e edicionit informativ të orëns 19:00 në Vizion Plus, Shefi Shtabit të Përgjithshëm i Forcave të Armatosura deklaroi se një ndër arritjet kryesore e vendit është se ka treguar që është një aleat I zoti për NATO-n dhe se e ka treguar këtë gjë në misionet e deritanishme të ndërmarra nga FA.
Sipas tij, baza aktive e Kuçovës do të jetë një investim I rëndësishëm pasi do të ketë role të shumëfishta si për aleancën ashtu dhe për Forcat e Armatosura.
I pyetur për çështjen ruse, gjenerali tha se Rusia nuk e ka dashur asnjëherë përhapjen e NATO ndërsa theksoi se nuk ka ndikim tek vendet e aleancës.
Ndërsa sa I takon rritjes së buxhetit, Gjeneral Kollçaku tha se qeveria është në përmbushje të detyrimit të saj dhe se kjo gjë do të arrihet brenda vitit 2024.
