Hapen aplikimet për punonjësit e administratës publike për kredi me 0% interes për blerjen e një shtëpie.
Të interesuarit duhet të mos kenë banesë në pronësi apo në proces legalizimi, të mos zotërojnë pasuri të paluajtshme dhe të mos jenë përfitues nga programe të tjera të strehimit social.
Ministri i Ekonomisë, Blendi Gonxhja shpjegoi se përfitues do të jenë 530 punonjës të administratës dhe se financimi do të jetë sipas çmimit të referencës.
Aplikimet do të jenë të hapura për 1 muaj.
