KQZ shtyn miratimin e fondeve vjetore: Partitë politikë të depozitojnë bilancet

Miratimi i fondeve vjetore për partitë politike është shtyrë për datën 31 mars. Lajmi u konfirmua nga kreu i Komsionit Qëndror të Zgjedhjeve, Ilirian Celiabashi. Sipas tij, 31 marsi është dhe afati i fundit për depozitim të raportove vjetore nga partitë politike.

Referuar ligjit partitë që nuk dorëzojnë raportet financiare nuk mund të përfitojnë fondin e radhës. Sipas vendimit të marrë disa ditë mëparë nga KQZ, Partia Socialiste përfiton rreth 151.5 milionë lekë, Partia Lirisë me tre mandate përfiton vetëm 15.577 mijë lekë, ndërsa Partia Demokratike rreth 100 milionë lekë.