Disa orë pas dorëzimit të listave të kandidatëve nga partitë, Komisioni Qendror i Zgjedhjeve ka nisur verifikimin e figurave të tyre.
Komisioneri Shtetëror për Zgjedhjet, Ilirjan Celibashi deklaroi se verifikimi do të kryhet në bashkëpunim me Gjendjen Civile dhe Drejtorinë e Burgjeve.
“Kanë depozituar lista shumemërore subjektet zgjedhore: LSI; LRE; LN; ADR; PLDSH; PNTH; PBK; PBD; koalicioni “Aleanca – AL”; koalicioni “ABEOK”; PSD; PS; koalicioni “PD-Aleanca për Ndryshim. Menjëherë pas dorëzimit të listave shumemërore nga subjektet zgjedhore, KQZ ka filluar verifikimin e dokumenteve të kandidimit. Verifikimi i formularëve të vetëdeklarimit (dekriminalizimi) po bëhet në bashkëpunim me DPGJC dhe Drejtorinë e Përgjithshme e Burgjeve”, u shpreh Celibashi në rrjetet sociale.
