KPK konfirmon në detyrë drejtuesen e prokurorisë së Korçës

Komisioni i Pavarur i Kualifikimit  ka konfirmuar në detyrë kryeprokuroren e Korçës, Dhorina Theodhori.

Vlerësimi për Theodhorin u bë për të tre kriteret: pasurinë, integritetin dhe profesionalizimin, nga vlerësimi i të cilave ajo e kaloi me sukses Vettingun.

KPK-ja nuk gjeti asnjë mospajtim të të dhënave të deklaruara me ato reale. Treshja gjykuese e KPK-së përbëhej nga Pamela Qirko kryesuese, Genta Tafa Bungo relatore dhe Etleda Çiftja anëtare.