Parlamenti dështoi te votonte dje përbërjen e ekipit negociator dhe seanca pas disa ndërprerjeve u shty. Kryetari i Kuvendit Kadri Veseli është shprehur se pa 61 deputetë nuk mund te vazhdoje seanca.

 

Nga ana tjetër mediat theksojnë se duke shtyrë seancën e jashtëzakonshme po fitohet kohë dhe pavarësisht asaj qe do te ndodhe grupi i negociatorëve te qeverise do ti bashkëngjitet presidentit Thaçi në Bruksel.

 

Seanca pritet te rifilloje sot ne orën 14 ku do te behet përpjekja e radhës për votimin e ekipit qe udhëhiqet nga Fatmir Limaj. Ndërkohë kryetari i lidhjes demokratike të Kosovës, Isa Mustafa përmes një postimi në Facebook, ka theksuar se Thaçi e Haradinaj munden si individ të shkojnë në Bruksel, edhe të fotografohen.

 

Por sipas tij as kreu i shtetit dhe as kryeministri nuk mund ta bëjnë marrëveshje sepse pa opozitën nuk mund të ratifikohet në Kuvend.

Leave a Reply

Your email address will not be published. Required fields are marked *