Pika kufitare e përbashkët Shqipëri-Kosovë, gjatë muajit qershor ka përjetuar fluksin më të madh të hyrjeve të pushuesëve kosovarë.
Fluks të madh ka patur edhe të hyrjes së mjeteve të transportit të mallarve por edhe emigrantëve kosovarë që jetojnë e punojnë në perendim e që janë kthyer në Kosovë për pushime. Arbër Telaku, Komandant i Pikës Kufitare të Vërmicës,thotë se vetëm gjatë këtij muaj fluksi ka qënë i jashtëzakonshëm.
ARBËR TELAKU, KOMANDANT I PIKËS KUFITARE TË VËRMICËS,KOSOVË
”700 mijë persona,mbi 200 mijë mjete të vogla të udhëtarëve, 5 mijë e 620 autobuzë, e 23 mijë e 400 mjete të mallrave kanë hyrë e kanë dalur në pikën e përbashkët kufitare. ”
Sipas Telakut për përballimin e situates po punohet me procedurë të përshpejtuar dhe me maksimumin e sporteleve.
Edhe në pikën e kalimit kufitar të Morinit ka patur numer te madh qytetaresh dhe mjetesh nga Kosova drejt Shqipërisë.
Megjithëse në Morinë është punuar me maksimumin e kapacitetit ka qenë e pamundur shmangia e radhëve.
Sipas Qendrës Kombëtare për Menaxhim Kufitar të Kosovës, vetëm mëngjesin e se premtes dhe të shtunës kanë hyrë rreth 30 mije shtetas me destinacion bregdetin shqiptar.
