Kosova, gati për Ligën e Kombeve/ Sfida me Moldavinë në 3 shtator

Përfaqësuesja e Kosovës është gati për tu përballur me Moldavinë në sfidën e vlefshme për Ligën e Kombeve.

Gjatë udhëtimit për në Itali, vendi ku do të zhvillohet sfida, kombëtarja kosovare u ndal në Kukës për tju nënshtruar testimit për COVID-19.

Fatmirësisht asnjëri prej pjestarëve të ekipit nuk rezultoi mbartës ndërsa presdienti i Federatës së Futbollit në Kosovë, Agim Ademi tregoi  se skuadra udhëton drejt Parmës me objektiva të qarta.

Ademi përmendi edhe bashkëpunimin me FSHF për të cilin tha se është i shkëlqyer dhe po punohet për projektin e Kupës Nënë Tereza.

Kombëtarja e Kosovës do të përballet me Moldavinë në 3 shator ndërsa 3 ditë më vonë do të prese Greqinë në Prishtinë.