“Kosova duhet ta heqë taksën ndaj Serbisë”, Grenell kundërshton Albin Kurtin

Ambasadori Richard Grenell deklaroi se Kosova duhet të heqë plotësisht taksën ndaj mallrave serbe, pa reciprocitet.

I dërguari i SHBA-ve për dialogun Prishtinë-Beograd doli kundër masave të reciprocitetit me Serbinë.

Në një prononcim për “Radion Evropa e Lirë”, zëdhënësi i Grenell, Dick Custin ritheksoi se amabasadori nuk e mbështet idenë e reciprocitetit, që u paralajmëruar nga kryeministri i ri i Kosovës, Albin Kurti.

“Kosova duhet ta heqë taksën ndaj mallrave të Serbisë, pa reciprocitet. Jo vetëm ta pezullojë, por ta heqë plotësisht atë. Ambasadori nuk e mbështet idenë e reciprocitetit”, tha Custin.

Kurti ka njoftuar se qeveria e tij synon që të heqë tarifat ndaj mallrave serbe, pasi të vendosen masat e reciprocitetit me Serbinë, duke vlerësuar se edhe marrëdhëniet ndërkombëtare sot në botë, ndërtohen mbi këtë parim.