Kosova dhe Maqedonia do të nënshkruajnë këtë të hënë marrëveshjen për njohjen reciproke të patentave për drejtimin e mjeteve.
Nënshkrimi i kësaj marrëveshjeje do të bëhet nga ministri i Punëve të Brendshme të Republikës së Kosovës, Ekrem Mustafa dhe ministri i Brendshëm i Republikës së Maqedonisë, Oliver Spasovski.
Por krahas kësaj marrëveshjeje palët do të nënshkruajnë gjithashtu edhe memorandumin për forcimin e bashkëpunimit në fushën e kontrollit të brendshëm.
Marrëveshjet do të nënshkruhen në ambientet e Ministrisë së Punëve të Brendshme të Kosovës në orën 11:00.
