Gazetari Armend Pire, i ftuar në studion e Quo Vadis në Vizion Plus, tha se korsitë e biçikletave shpesh herë janë të bllokuara nga koshat e plehrave dhe furgonat e mallrave.
Pire tregoi se në 7 vite që përdor biçikletën, ka rrezikuar të bëjë aksident vetëm një herë.
Pjesë nga biseda:
Pire: Tirana është bërë kaos dhe makina të bëhet stres. Zgjodha biçikletën si mënyrën më të mirë të mundshme.
Borakaj: Sa herë je rrezikuar me biçikletë?
Pire: Në 7 vite vetëm njëherë. Një taksist në rrugën e Elbasanit i dha më shumë gaz. Unë përpiqem të kaloj sa më shpesh dhe më kapi tek kyçi këmbës. Por fatmirësisht ishte një polic aty që e ndaloi. Arroganca e shoferit ishte shumë e lartë, jo vetëm ndaj meje, por ndaj gjithë këmbësorëve.
Sa i përket korsive të biçikletave, janë bërë korsi të dedikuara, por shpesh herë i gjen të bllokuara, ose me koshat e mbeturinave, automjetet, ose me furgona që shkarkojnë mallra në mes të ditës. Kjo sjell një lloj çrregullimi. Duhet të ketë një rregullore për biçikletat dhe për patinat, por rregullorja më e fortë besoj duhet të ishte për patinat.
/vizionplus.tv
