Ndërsa vendi po përballet me pasojat e koronavirusit, shumë tregtare kanë nisur të përfitojnë nga situata duke rritur çmimet e fruta perimeve.
Qytetarët e Durrësit ankohen se çmimet krahasuar me një javë më parë janë rritur ndjeshëm duke ua vështirësuar jetesën banoreve në këto ditë vetëizolimi.
Por sipas tregtarëve rritja e çmimeve ka ardhur si rrjedhojë e disa faktorëve, një prej të cilwve sipas tyre është ai i bllokimit të eksporteve dhe importeve.
Ndërkohë grupet e task-forcës së drejtorisë së përgjithshme te tatimeve kanë nisur kontrollet ne terren, ndërsa u kërkojnë qytetarëve që të denoncojnë abuzimet.
E njëjta situatë paraqitet edhe ne markatën e Korçës. Nëse deri një jave me pare 1 kilogram limon kushtonte 120 leke tani shitet me 250 lekë.
Tregtarët akuzojnë për rritjen e çmimit pikat e shumicës.
Rritje të çmimeve ka pasur dhe në Elbasan. Por në ndryshim nga rrethet e tjera, tregtarët e këtij qyteti janë detyruar që të shesin në rrugë pasi tregjet janë mbyllur nga ana e bashkisë.
Por ndërsa çmimet rriten në mënyrë abuzive ata qe vuajnë nga kjo situate jane konsumatorët.
