Nga sot, rreth 16 milionë qytetarë të vendit fqinj nuk mund të lëvizin nga zonat e banimit. Qeveria italiane miratoi në orët e vona të së shtunës dekretin, që bllokon lëvizjen e qytetarëve në Lombardi, dhe në 14 provinca, përfshirë edhe qytetin e Venecias, Parma, Riminin e të tjerë.
Dekreti parashikon shtrirjen e zonave të karantinës, duke urdhëruar njerëzit të mos hyjnë apo të mos largohen nga “Zonat e Kuqe”.
GIUSEPPE CONTE
KRYEMINISTER I ITALISE
“Po përballemi një emergjencë kombëtare. Masat e reja janë të rrepta e do të sjellin probleme, por kërkohet sakrificë nga të gjithë. Objektivat e këtij dekreti janë dy: ndalimi i përhapjes së virusit e limitimi i personave të sëmurë, pasi nuk kemi mundësi për ta përballuar me personel mjekësor e struktura sanitare. Ndaj kemi vendosur ndalimin e çdo lëvizjeje, për të gjithë personat fizik, që hyjnë dhe dalin nga territoret e zonës së kuqe. Lejohen vetëm lëvizjet e nevojshme për situate të domosdoshme apo arsye shendetësore. Kemi vendosur masa rigoroze.
Kryeministri u bëri apel qytetarëve që të tregojnë kujdes nëse kanë shenja të sëmundjes.
Që nga ky moment, të gjithë personat me infeksione në rrugët respirative, ethe dhe nëse kanë temperaturën mbi 37.5 gradë, u rekomanodohet të qëndrojnë në shtëpi, dhe së pari njoftoni mjekun e familjes. Ndalohen në mënyrë absolute të gjithë personat që kanë qënë në karantinë”
Dekreti i qeverisë prek thuajse të gjithë veriun dhe Italinë qëndrore duke nisur nga sot deri më 3 prill.
Sipas vendimit pezullohen të gjitha ngjarjet publike, përfshirë edhe dasmat dhe ceremonitë mortore.
Baret dhe restorantet mund të qëndrohjën të hapura për aq kohë sa garantojnë të paktën 1 metër largësi mes klientëve.
Masat e fundit të marra nga qeveria e kryeministrit Giuseppe Conte vijnë në një kohë që sëmundja vdekjeprurëse kineze Kovid-19, që u ka marrë jetën 233 personave, dhe ka infektuar mbi 5.800 të tjerë.
Por masat e reja për të vënë në kontroll sëmundjen në Lombardi dhe 14 provinca, duket se ka shkaktuar panik tek banorët e këtyre zonave.
Kamerat e sigurisë kanë fiksuar qindra udhëtarë me çanta, të cilët u janë drejtuar stacioneve të trenave në Milano, para se të hynte në fuqi dekreti i ri.
