Mësuesi Fatmir Sula humbi jetën pasi u infektua me koronavirus. Ai ishte nga Peqini dhe punonte në shkollën 9-vjeçare “Bishqem”.
Lajmi u konfirmua nga vetë stafi i shkollës në rrjetet sociale.
“Një dhimbje të madhe ka lënë pas ndarja nga jeta e kolegut tonë. Jo vetëm ata që e njohin, por në veçanti për familjen e tij. Drita e shpirtit te tij u largua fizikisht, por kurrë nuk do të largohet nga brezat e nxënësve që ka lënë pas. Ky lajm i hidhur na trishtoi pa masë, kolegu ynë i nderuar. I shprehim ngushëllimet më të sinqerta familjes. U prehsh në paqe ! Lamtumirë….Kolegu ynë Fatmir Sula.”
