Koreja e Veriut, ushtria parakalon në 70 vjetorin e vendit komunist

Koreja e Veriut ka treguar sërish muskujt, nëpërmjet një parade të madhe ushtarake në 70 vjetorin e krijimit të shtetit komunist. Por ajo që ka tërhequr më shumë vëmendjen është se fakti se në këtë paradë nuk janë ekspozuar raketat balistike ndërkontinentale, të cilat janë bërë shkak i vendosjes së sanksioneve ndërkombëtare.

Megjithatë, mungesa e raketave, nuk do të thotë se vendi komunist ka hequr dorë programi bërthamor. Kim Jong un nuk e ka mbajtur premtimin e bërë gjatë samitit me presidentin amerikan Donald Trump në Singapor.

Udhëheqësit i vendit komunist ka pare nga tribuna se si trupat e kembësorisë, artileria e rëndë dhe tanket kanë parakaluar në sheshin e kryeqytetit Phenian.

Mediat ndërkombëtare raportojnë se ka pasur spekulime se presidenti i Kinës, Xi Jingping do të merrte pjesë në shënimin e 70-vjetorit të krijimit të Koresë së Veriut, por Pekini zyrtar ka dërguar kreun e Parlamentit. E pranishëm në paradë ka qenë edhe kryetarja e Dhomës së Lartë të Parlamentit rus.