Tentoi te lëshonte nje rakete balistike nga bregu i saj lindor Koreja e Veriut, por testi dështoi serish. Nuk dihet ende se per çfarë rakete behet fjale, por kjo ishte tentativa e katërt qe përfundon pa sukses. Herët e shkuara gjate muajit prill ishin lëshuar raketa me rreze te mesme veprimi, “Musudan”. Shteti komunist është ndaluar nga Kombet e Bashkuara te përdore teknologji per raketa balistike, por duke shpërfillur thirrjet, Pheniani ka rritur edhe tensionet ne rajonin e Azisë Lindore. Këto teste kane ndikuar edhe ne raportet me Kinën, aleati kryesor dhe partner tregtar. Sipas shefit te shtabit te ushtrisë Koreano-Jugore raketa është lëshuar nga qyteti Wonson. Nje rakete Musudan teorikisht ka aftësinë te arrije Japoninë dhe territorin amerikan te Guamit, por te gjitha përpjekjet e Koresë se Veriut nuk kane pasur sukses. Ne kongresin e fundit te partisë se Punëtoreve, lideri koreanoverior Kim Jong Un i ofroi dialog ushtarak fqinjit jugor, por oferta u konsiderua nje farse nga Seuli. Nga ana tjetër Kim Jong Un premtoi se do te vazhdoje programin e armeve bërthamore.

Leave a Reply

Your email address will not be published. Required fields are marked *