Korça ka festuar largimin e stinës së dimrit. Qindra qytetarë korçare kanë festuar Ditën e Verës me ritualet e përhershme që banorët kryejnë çdo fund shkurti.
Sipas traditës së kësaj feste të vjetër pagane, gjatë natës janë ndezur zjarre në të gjitha lagjet karakteristike të qytetit, të cilat janë kapërcyer nga fëmijë dhe të rritur si pjesë e një rituali që simbolizon largimin e së keqes.
Dita e Verës në Korçë gjithmonë është shoqëruar me përgatitje të ëmbëlsirave prej brumi, që simbolizojnë bujarinë dhe mbarësinë që sjell pranvera.
Banorët e grumbulluar rreth zjarreve, kanë uruar njeri-tjetrin për më shumë mbarësi.
