Blegtoria është sot dega që nuk po njeh të njejtin zhvillim si bujqësia. Interesi i atyre pak blegtorëve, në këtë degë mbetet i lartë, por largimi i të rinjve nga zonat rurale është një shqetësim, që jep ndikim jo të vogël.
Astrit Xhangolli, blegtor, nga fshati Sovjan i Bashkise se Maliqit, numëron mbi 600 kokë të imta. Ai na tregon vështirësitë me të cilat haset ky sektor.
Ai pranon se ka patur mbështetje nga shteti, por në zona të caktuara mungon infrastruktura për të rritur më tej investimet.
Situata është më pozitive në mbjelljen e frutave në rajonin juglindorë të Korcës. Këtu janë mbi 4 mijë ha të mbjella ndërsa prodhimi arrin në 120 mijë ton mollë. Ylver Bylykbashki, fermer i zonës, tregon se shqetësimi kryesor në këtë degë janë investimet në pajisjet frigoriferike për ruajten e mollës.
Vetëm bashkimi i fermerëve mund të realizojë investime të tilla si në Bashkimin Europian për të përballuar kostot; por pse fermerët nuk bashkohen në një koperativë?
Hallka tjetër e zinxhirit të prodhimit janë edhe agropërpunuesit, një i tillë është Jorgo Braholli, nga të paktit që përpunon frutat.
Por që frutat të përpunohen, nevojiten politika mbështetëse për këtë sektor.
Shqetësimi tjetër, ende pa zgjidhje, përbëjnë edhe produktet e importit që shpesh dominojnë tregun me çmime edhe me konkuruese se prodhimet vendase
