Kontrolle në Suedi për emigrantët

Kontrollet të tilla kufitare në Suedi, nuk ishin parë që prej viteve 1950. Shkak për rivendosjen e tyre është bërë fluksi i lartë i emigrantëve, si rezultat i valës më të madhe me refugjatë me të cilët përballet Evropa, që prej luftës së dytë botërore. Policët janë vendosur në kufirin me Danimarkën dhe po kontrollojnë dhe udhëtarët që përdorin trenat dhe ata me makina. Atyre u kërkohen kartat e identitetit ose pasaportat. Disa ore pas vendosjes se këtij regjimi nga Suedia, te njëjtin veprim per te përballuar fluksin e emigranteve ka ndërmarre edhe Danimarka ne kufirin me Gjermaninë. Vendimi është ne fuqi deri ne 14 janar. Kryeministri danez Lars Loekke Rasmussen sqaroi se nëse BE nuk do te mbroje dot kufijtë e jashtëm, do te vendoset monitorimi i përkohshëm ne kufijtë e brendshëm dhe ky është nje sinjal, qe Europa te reagoje. Këto masa bien ndesh me marrëveshjen Shengen dhe Gjermania ka reaguar se vendime te tilla e rrezikojnë ate. Zedhenesi i ministrisë se Jashtme Martin Schaefer tha se lëvizja e lire eshte nje parim i rendesishem dhe nje nder arritjet me te mëdha te viteve te fundit, por Shengeni është ne rrezik.