Organizata e Kombeve te Bashkuara dhe Amnesty International kanë shprehur shqetësimet e tyre rreth marrëveshjes në parim për planin e emigrantëve, sipas të cilit, për çdo sirian të kthyer nga Greqia, BE do të pranojë një sirian të vendosur në kampet turke. Agjencia për refugjatët në OKB e ka cilësuar si një pakt që shkel ligjet ndërkombëtare. Ndërsa Amnesty International i cilësoi përfundimet e samitit BE-Turqi, si dënim me vdekje për refugjatët, të cilët aspirojnë për të marrë azil. Megjithatë pakti nuk është finalizuar. Ai do të diskutohet serish në Bruksel në samitin e 17-18 marsit, kur pritet të merret një vendim përfundimtar. Gjatë takimit të së hënës liderët ranë dakord ne parim për nje plan lehtësimi per krizën e emigranteve. Presidenti i Këshillit Evropian, Donald Tusk deklaroi se klandestinet qe mbërrijnë ne Greqi, do te kthehen ne Turqi dhe për te do të ofrohen me shume fonde dhe lëshime per integrimin ne union.
“Kryeministri Ahmet Davutoglu konfirmoi angazhimin e Turqisë per te pranuar rikthimin e shpejte te te gjithë emigranteve qe vijnë nga Turqia ne Greqi, qe nuk kane nevoje per mbrojtje ndërkombëtare. BE do te mbështesë Greqinë per te siguruar kthim te shpejte te tyre ne Turqi. Këto vendime dërgojnë nje mesazh te qarte se ditët e emigracionit te paligjshëm ne Europe kane marre fund”.
Kryeministri turk Ahmet Davutoglu kërkoi 3 miliard euro te tjera ndihma dhe përshpejtimin e procedurave per udhëtime pa viza te turqve drejt unionit.
“Objektivi ynë është te dekurajojmë emigracionin e paligjshëm, te parandalojmë trafikantet e qenieve njerëzore, te ndihmojmë njerëzit qe duan te vijnë ne Europe përmes emigracionit te ligjshëm ne nje mënyrë te rregullt dhe te disiplinuar”.
Por Greqia kërkon me shume veprime dhe konkretisht qe blloku te përshpejtoje procesin e shpërndarjes se azilkërkuesve drejt shteteve te BE.
