Shqipëria mirëpret për herë të parë Kongresin Francez të Udhëtimit, që do të zhvillohet ne 31 Maj te vitit te ardhshëm. Ai pritet te sjellë ne Shqipëri mbi 1mije tur operatore franceze.
Ne nje letër drejtuar ministrit te turizmit, Blendi Klosi, organizata ka shpjeguar se kjo përzgjedhje vjen si rrjedhoje e rritjes pozitive qe po ndodh ne Shqipëri ne sektorin e turizmit.
Të paktën 1 mijë tur operatorë dhe agjentë tregtarë do të jenë në Shqipëri në datën 31 maj dhe kjo do të shënojë një mundësi të artë për të vendosur kontakte të drejtpërdrejta me operatorët turistikë shqiptarë, hotelerinë dhe hapjen e tregut shqiptar për një turizëm gjithëpërfshirës francez.
Aktivitete te tilla sipas ministrit janë te domosdoshme pasi ky kongres do te siguroje rritje te numrit të turisteve francez ne Shqipëri.
Ashtu siç premtojnë edhe drejtuesit e lartë të Shoqatës së Tur Operatorëve Francezë ky kongres do të shënojë një rritje të disafishtë të numrit të francezëve që do të vizitojnë Shqipërinë. Jemi shpresëplotë që do të jetë një ngjarje shumë e bukur e shkëmbimit të eksperiencës ndërmjet operatorëve turistikë francezë dhe atyre shqiptarë.
Këto evente shtojnë mundësinë e promovimit të Shqipërisë jo vetëm te turistët, por tashmë edhe te tur operatorët, ndërkohë që një numër i madh gazetarësh do të shoqërojnë kongresin.
