E pranishme në përplasjen fizike u regjistrua mbrëmjen e kësaj të hëne në shkollën “1 Maji” në Tiranë ishte e pranishme edhe kandidatja për deputete e PD-së, Orjola Pampuri.
Në një prononcim për mediat, Pampuri deklaroi se dy persona që u paraqitën si vëzhgues të KQZ-së në momentin që po riniste numërimi dhe dhunuan vëzhguesin e PD-së dhe të afërmin e tij.
“Në momentin që ka ndodhur incidenti, isha brenda. Pashë që po dhunonin djalin që është vëzhgues i PD. Brenda ishin dy persona që u paraqitën si vëzhgues të KQZ. Në momentin që ne po rinisnim procesin e numërimit brenda rregullave, ngacmuan, dhunuan dhe përgjakën vëzhguesin e PD, së bashku me të afërmin e tij, duke krijuar një atmosferë dhune në qendrën e votimt. Ne momentin që pyetëm kush ishin këta persona, përfaqësues të PS nuk i njihnin, janë persona të paidentifikuar. Dy përfaqësuesit që ishin nga KQZ nk kishin informacione nga këta persona. Kallëzimi po bëhet nga djali që është shëruar, janë dhunuar edhe djem të tjerë që janë përfaqësues të PD-së.”
