Një ngjarje e rëndë është regjistruar këtë të premte në Rrëshen, ku dy kushërinj kanë plagosur njëri-tjetrin. Mësohet se ngjarja ka ndodhur në banesën e një nga të plagosurve dhe shkak është bërë një debat banal mes tyre.
Raportohe se dy të rinjtë gjatë konfliktit fizik kanë përdorur thika dhe si pasojë janë lënduar të dy. Ata janë transportuar në spital, ku raportohet se gjendja e tyre shëndetësore është jashtë rrezikut për jetën.
Njoftimi i policisë:
Në Rrëshen, shtetasit N. Gj. 19 vjeç dhe K. K. 20 vjeç ( kushërinj), dyshohet që për motive të dobëta janë konfliktuar fizikisht si dhe kanë plagosur me mjet prerës (thikë) njëri – tjetrin.
Si pasojë e dëmtimeve fizike të marra, ndodhen në spital për trajtimin e nevojshëm mjekësor.
Grupi hetimor vazhdon veprimet hetimore për zbardhjen e plotë të rrethanave të ngjarjes.
